2009年12月31日星期四

試用預告: 勤奮噬脂菌Diligent Fungus

11月做伴娘O個時都曾經有"係咁易"的起心肝減過下既,不過完成O左呢個大PROJECT之後,隨著冬天既來臨,又係脂肪一日一日增加既時候.....>_<...餐餐大魚大肉...OH!!!NO!!!真係唔想過新年仲係咁肥呀!!!
O係呢個時候收到THE ZTYLE既試用,真係GOOD NEWS!!!!珍妹代言呢個廣告真係超吸引,擒日即刻碌去拎盒產品,一於今日開始試.....
勤奮噬脂菌
DILIGENT FUNGUS
3G x 30包
李麗珍小姐成功於1個月減20磅!!!
曾有台灣藝人吃了噬脂菌成功減去十多磅,加上名人的成功瘦身例子,令噬脂菌旋即風靡台灣,具最適合東方女性瘦身消脂之黃金配方的噬脂菌,能幫助減少體內脂肪,還能幫您培養好菌,踢走壞菌,排出毒素廢物,日日幫你減少500-800卡路里,讓復胖機率等於零,從此擁有健康美好的身材!
盒後面有圖文介紹....
打開就見到一包包...
有兩層O架...
食用分量:只要每日2-3次,於餐前30分鐘食用1包,即可吸走腸道內脂肪
食用方法(快捷):直接食用,再飲暖水半杯
食用方法(美味):混入不同的食品當中,例如乳酪,果汁或花茶等

我會用快捷方法,每日食2包,試完再上黎REPORT!!!!有興趣既SIS要留意啦...

2009年12月30日星期三

遲來的聖誕禮物

聖誕期間抽中既禮物,但而家先至拎,咁仲叫唔叫聖誕禮物呢??定係新年禮物好D???ANYWAY.....係禮物就得啦....HOHOHO..
第一份係BE聖誕抽獎最終回既...抽O左4個星期,最後一期先中,都好過冇啦!!起碼都用得著...
H2O+ MILK NOURISHING TRIO
SHOWER GEL 100ML
BODY LOTION 100ML
HAND & NAIL CREAM 100ML
第二份係WTC FACEBOOK第1日抽中既....係LIPGLOSS & NAIL POLISH...
SONIA RYKIEL X'MAS LIPGLOSS & NAIL SET
D色都好靚呀!!!2枝LIPGLOSS: GLOSSY LIP COLOR 001 & 002
+3枝NAIL POLISH: NAIL COLOR 007, 008 & 009
LIPGLOSS既色其實好透....紅色O個枝就冇閃,橙色O個枝就好閃...
3枝NAIL POLISH都閃爆,尤其係棗紅色O個枝,好正呀!!!!真係好O岩X:MAS同新年用..
SR O個SET我試晒啦,所以一定會用先,H2O+ O個SET就唔開住...

2009年12月29日星期二

X'MAS無聊油甲第二回

真係超級無聊,自從搵番枝波點筆出黎就成日手痕想整指甲,上回整O左桃紅底白波點,今期就係半透明粉紅底+白/桃紅波點...
用既甲油同上次差唔多,都係GOLDEN ROSE桃紅,BOURJOIS白色,再加INTER SENSE半透明粉紅...
都幾得意,不過點得比上次密D..
枝令令TOP COAT就快比我玩晒,要再買啦..

2009年12月28日星期一

清貨行動: ACTION NINETEEN

距離上次POST清貨日記已經有成個月啦,呢個月多O左試用,成日開新野,所以用得好似慢O左,不過都清O左D我努力O左好耐既野,好HAPPY!!!
ST IVES OATMEAL & SHEA BUTTER 18OZ
--用O左大半年啦,因為夏天搽少O左,一到冬天成日搽就用得快O左,佢隻味好香甜,都OK滋潤...
THE BODY SHOP BLUSH
--舊年冬天出既限量版,做半價時見幾平隻色又淡淡地O岩平日用先買,基本上日日都用,一年就用晒啦,係繼MJ之後第二盒KO晒既BLUSH...
KAMILL HAND CREAM 100ML(按此 )
--係一次出街冇帶HAND CREAM先買黎用既,真係唔錯好夠潤,但隻味就麻麻地...
JOHNSON'S BABY BODY OIL 150ML
--一到冬天我身體既皮膚係乾到爆,只搽BODY BUTTER/CREAM係唔夠,一定要用O左BODY OIL打底先,以前我會用NEUTROGENA,不過其實用JOHNSON都係差唔多,仲平D添,呢枝細既只用到2-3星期...
ULTIMA II 純膠原蛋白極緻水分精華5ML(按此 )

--之前出席BLOGGER試用分享會拎既禮物,原來有2枝既,不過另1枝比O左家姐試,雖然只有5ML不過我夜晚用ONLY,都用O左有成個月O架...
TOMMY GIRL BODY WASH 30ML
--本身唔係咁鐘意香水味既BODY WASH,但既然係FREE GIFT都會用既,所以快快手用晒就算..
MAYBELLINE EXPRESS EYE & LIP MAKEUP REMOVER 90ML(按此 )
--KEEP住買既MAKE UP REMOVER,次次75折必入..
MANE'N TAIL HERBAL GRO HAIR CONDITIONER 12OZ(按此 )
--好O岩冬天用既CONDITIONER,呢枝都用O左差唔多2個月...
CLINELLE SOOTHING SKIN TONER 200ML(按此 )
--敏感皮膚O岩用既TONER,幾保濕...
SKII EMULSION(SAMPLE)
--冇味既LOTION,有時皮膚唔STABLE時用佢OK保濕又唔會敏感..
ZENSATION ROSE TONER & GEL CLENASER 5ML@
--佢D ROSE味有D怪怪地,唔係幾好用...
DR MURAD ESSENTIAL C CLEANSER 50ML(按此 )
--冬天都唔乾既CLEANSER,都幾好用但只用到1個月咋..

2009年12月27日星期日

冬天都O岩用既防曬: ELEMIS LIQUID LAYER SUNBLOCK SPF30

早前抽中O左BEAUTYLIFE第一次搞既ELEMIS試用活動,我中O左既產品,就係防曬一枝喇!!!本身未用過ELEMIS既野O架,佢個大名聽就聽得多啦,所以我都好期待佢好唔好用呀....
ELEMIS LIQUID LAYER SUNBLOCK SPF30 40ML
水凝防曬乳液 SPF30
 
這清爽防曬乳液確保肌膚免受陽光及外來環境傷害導致衰老,防水配方蘊含多種抗氧化物來幫助肌膚對抗污染物,而聚合體圓球粒子則能反射及折射UVA及UVB
 
 
 
之前一拎枝防曬番黎既時候,已經急不及待開出黎試O係手,當時我唔知原來用之前要搖勻佢O架,所以大家睇下吱出黎幾水???
 
 
而家知要搖勻,吱出黎係杰身D啦,不過都仲係LOTION FORM..
 
 
搽O左上面真係好輕身,佢好薄好易推勻,雖然有SPF30但又唔會有白色一撻撻,之後照常上粉底化妝都唔會有影響....
 
使用次數: 7次
 
皮膚性質: 易敏感,混合偏乾
 
用後感:
 
本身我好少搽面部防曬既,因為我一出街都一定會化妝,而用開既BASE,FDT,BB CREAM...ETC底妝既產品,都有防曬,所以我唔會專登買枝防曬黎搽面,除非咁O岩買既日霜係有啦,但度數一般都唔高,都係SPF15-20到...不過而家年紀大啦,開始覺得塊面有D淺啡色既斑,所以呢枝防曬真係黎得合時...
 
ELEMIS防曬有防水防汗巧效,不過而家一黎係冬天,二黎我係一個冇咩汗出既人,所以呢方面真係好難TEST,唯有等夏天時(如果枝防曬仲可以用到夏天的話)再試啦..
 
佢雖然有SPF30,但真係冇咩防曬既化學味道喎!!!同時亦冇加其他既香料味,敏感皮膚既人都好O岩用,我用O左成個幾星期,都冇任何不良反應,亦都冇阻塞毛孔...
 
而且佢搽上面真係好薄貼,但又唔會乾喎!!!因為有D標榜清爽質感既防曬產品,搽完係好爽冇錯,但皮膚會覺得好乾O架,而家係冬天濕度唔高,搽佢都仲KEEP到塊面係水潤,又唔會影響之後上妝,雖知我係日日都化妝既人,所以就算枝防曬係幾咁好用都好,如果搽完佢之後上粉係有問題既,我都唔會繼續用O架啦...不過佢冇呢個問題,真係GOOD!!!
 
由呢個冬天開始,我要養成搽防曬既習慣啦,唔係D淺啡既斑再深色D就慘啦....!!!

2009年12月25日星期五

X'MAS無聊油甲+試戴兔毛帽

呢排好懶,D甲油差唔多甩晒都仲未油番,咁O岩擒日搵野時比我見到好耐之前買落枝圓點筆,用黎點甲油用既,於是就整O左呢個甲啦...
底色係用上星期O係COLORMIX買O個枝好有BARBIR FEEL既甲油,白色就係用BOURJOIS FRENCH NAILS SET入面枝白油..
我都係求其油咋,一路上網一路油,HAHA...
而家D指甲唔太長,咁整都唔會誇..
另外我之前咪搭YAUYAU買O左兔毛帽既,原先想今日戴(因為屋企有{PARTY嘛),比你地睇下戴O左上頭個樣先...
朝早時化好妝試戴既相(不過個身仲係件睡衣,HAHHA),其實都OK,不過真係要整曲D頭髮先好睇,但其實今日天然都熱熱地,搞PARTY又唔會成日出街都有D焗,所以都係放棄算,等過幾日凍D先...
我仲同YAUYAU訂多O左頂深灰,唔知幾時先有得拎呢???

2009年12月23日星期三

SASATINNIE SUPER DOLLY POWERFUL CURLING MASCARA

上星期抽中O左SASA FACEBOOK既試用活動,過2日已經收到速遞啦,真係好有效率,收到O個朝已經即刻試用啦...
SASATINNIE SUPER DOLLY POWERFUL CURLING MASCARA-ADVANCED FORMULA
電眼娃娃超鬈曲睫毛膏-震撼加強版
創新梳型孤度刷頭,能細緻梳理眼頭,眼尾及下眼睫的每根小美睫,並掀升每根睫毛的角度,有效塑造鬈麗美睫,根根分明不結塊
革命性嶄新配方,締造出豐盈震撼鬈曲度,並能鎖定鬈曲,令睫毛持久不墜,讓睫毛液依附在睫毛上,並且長度伸展自如,效果自然得彷彿是自己的睫毛變長了,展現超完美增長翹曲效果
防水,持久及不脫色,而且質地輕盈,能整天滋潤及修護您的睫毛
使用次數: 5次
梳頭設計..
正面睇..
側邊睇(有用閃光燈)
合眼睇(有用閃光燈)
我本身D睫毛都幾稀疏又唔長,但又未至於超短既,所以我一向都鐘情於梳頸設計既MASCARA,因為比較易搽,刷頭我好易搽到眼皮位O架...
呢枝MASCARA真係可以搽到根根分明既效果,而且搽下眼睫毛都完全冇問題,唔會起結一舊舊O架,搽2-3層都OK,纖長效果好好,但濃密效果就一般啦,不過梳頭既MASCARA都係咁既...
防水方面都OK,我本身眼油眼水多,用過好多隻大家都話超防水既MASCARA都會甩,只係分別甩得勁唔勁啫,呢枝都算唔錯,搽佢出街大約半日眼尾開始有DD甩,但真係好輕微,完全可以接受,我覺得都唔錯..

NIVEA SOS RELIEF BODY LOTION

一年四季我都要日日搽BODY LOTION,冬天仲要係BODY OIL+LOTION/CREAM添,可想而知我皮膚係幾咁乾呢??!!!月初時有幸抽中HK COSME既試用活動,可以得到一枝NIVEA SOS RELIEF BODY LOTION,趁呢幾日天氣凍又乾即刻開黎試下係咪真係可以SOS先..
NIVEA SOS RELIEF BODY LOTION 200ML
NIVEA SOS速效潤膚乳液
--能即時舒緩乾燥及非常乾燥肌膚
--為肌膚提供24小時深層滋潤及修護
--特別針對乾燥及非常乾燥肌膚
LOTION好CREAMY..
極易推開同埋好水潤...
好多時皮膚乾都會用BUTTER/CREAM,油份多D杰D,感覺上會係滋潤一D,好似比較O岩極乾皮膚用,但呢枝SOS LOTION就反而好水潤好好推,搽O係皮膚上推勻既同時,已經吸收晒,唔會覺得有好多油份停留O係表面,覺得好LUP咁,而且即時感覺滋潤而又不油膩,非常好用...
平時我沖完涼,係即時全身搽晒BODY OIL先,之後O係手手腳腳OR會痕既地方再補CREAM,之前我買O左枝AVALON,因為鐘意YLANG YLANG味,不過呢排天氣好乾,佢好似唔太夠潤咁,於是我就用NIVEA代替AVALON,就真係唔再痕兼且唔使成日補搽都OK,但佢陣花香味初初真係覺得幾濃下,好在搽開O左就唔係好勁...

2009年12月21日星期一

喪買工展會

朝早返完半晝之後,今日就正式開始我個悠長大假啦,放到1月4號先返工,HOHOHO...
因為有半日假又O係CWB,咁就不如約埋阿媽阿爸去工展會啦,我諗住閑日又係下晝應該會少人D,不過原來係錯既,實際係多人到爆,尤其係食品O個區,反而家品健康用品O個度就冇咩人...
我地3個都係FREE入場,點解??因為佢地兩老過O左65歲嘛,我就係有張免費"飛",所以齊齊唔使PAY!!!其實我都係諗住買野食多,去到就係咁掃.....不過我地行得都好快,唔使2個鐘行完仲拎到一袋二袋,使O左大約4百幾蚊啦....
睇下D戰利品先...
全部都係野食,仲有唔少醬料,其他就多數係零食,仲有買O左D花露水囉...
我仲買到隻好好味既麵,係星加玻出O架,即場試過隻酸辣湯麵,超好味,連湯都飲埋,佢$50/4PACKS(1PACK有5包),仲要係不含味精,好過食即食麵啦...
其實我仲有一張"飛"未用,或者會再去多轉都唔定O架

2009年12月20日星期日

MENARD COLLAGEN GOLD骨膠原營養美肌飲料

月初時參加既HK BEAUTY BLOGGERS' PARTY的確有好多野拎,福袋入面其中有既,就係一盒MENARD COLLAGEN GOLD骨膠原營養美肌飲料1盒,我拎完幾日就開始飲啦...
1盒有10支,價值$240...
COLLAGEN GOLD特別為亞洲人的體質設計,以高科技提煉而成的可吸收性海洋骨膠原,結合漢方植物成份配製而成,經臨床實驗證明,飲用 MENARD 口服骨膠原一個月後,肌膚質素已出現改善,飲用三個月後,肌膚無論在彈性、緊緻度、保濕能力及光澤方面均會有顯著改善...
枝裝既樣..
PARTY上面BA有用佢整成JELLY加水果一齊食,個口感都OK O架,不過我覺得會有D麻煩囉,你諗下佢一枝咁細,咪要倒好多先整到仲要分好多次食囉(因為份量係一日一枝嘛!!),所以我都係就咁飲算啦...
佢味道酸酸甜甜有D似果汁味,都OK但唔係話好好味囉...
連續飲O左10日,皮膚真係冇咁乾,尤其係身體手手腳腳最明顯,因為面有保養敷MASK O個D嘛,BODY平時都只係搽下LOTION就算,但飲O左真係冇咁易痕同甩皮,面既皮膚彈性都好O左...
不過一盒要$240,飲一個月要$720喎!!!雖然我係MEMBER有9折,但都幾貴,所以即使效果OK但我飲完唔會再買O架啦....
有興趣可以上WEBSITE睇:
http://www.menard.com.hk/0109/index.html

2009年12月19日星期六

COLORMIX平價甲油

前幾日睇到LALA介紹O左COLORMIX隻GOLDEN ROSE平價甲油,見佢試上指甲都幾現色,而且又平喎!!!只要$18/3枝,即係$6枝咋,好抵玩,可惜我上網SEARCH過我屋企同公司附近都冇SHOP,最近都要去番中環先有,咁雖然我平日搭車都會經過,但冇理由專登落車買完又再搭多程O架嘛!!!所以都諗住去開附近先買啦...
 
咁O岩今日約O左小妮去中環拎野比佢,於是就去睇埋啦,中環O個間D甲油放O係門口,GLODEN ROSE仲要係最低O個格,揀色都唔係幾方便,所以我只係搵O左2野就買O左3枝走人啦,其中2枝LALA都買O左O架...
左起: #39銀色,#63啡銅色,#51桃紅色...
試O左上手真係幾靚!!!
銀色要搽兩層先OK,唔係唔夠實...
啡銅一層都OK,不過兩層就靚D...
桃紅色一層已經好飽和,好有BARBIE FEEL呀!!!!最鐘意佢...
真係好抵玩,雖然唔係好大枝,但都夠搽O架啦,有幾何真係甲油會搽到落底呀!!!除O左TOP COAT同BASE之外,呢個價錢只係搽一季都抵...不過顏色選擇唔太多,都係閃同銀底為主...

2009年12月15日星期二

是日購物: LUSH OATIFIX 香蕉燕麥面膜

月初既時候有幸參與HONG KONG BEAUTY BLOGGERS O係HARBOUR CITY舉辦既CHARITY活動,O個日每人都有一大袋FREE GIFTS拎走,其中入面有唔少COUPON,有一張係最抵用既,就係LUSH $100 CASH COUPON FOR FRESH MASK啦,因為佢下個月3號就到期啦,為免自己唔記得浪費O左佢,今晚放O左工即刻用...
原先想買番牛油果O個隻CRASH COURSE IN SKINCARE,有一排我好鐘意用O架,不過自從佢貴O左就少買啦,咁O岩見到佢有2隻新出既MASK喎!!!SANTA'S RICE PORRIDGE (米糠布甸面膜)同OATIFIX (香蕉燕麥面膜) ,不過我想要隻滋潤D,BA就SUGGEST我買OATFIX,O係SHOP試上手都幾香,於是買黎試下啦..
$129/100G,呢盒買O左$151,因為有COUPON只要$51咋...
香蕉燕麥面膜:
揉合精選燕麥、新鮮香蕉、杏仁及雲呢拿舒緩香氣,就如一份專為妳肌膚而設的豐富早餐,忍不住一試再試!燕麥有助鎮靜敏感肌膚,杏仁可溫和去除角質、香蕉則能滋潤、柔軟肌膚;一次過補充營養、深層清潔。
打開係有D燕麥粒D杰身MASK..
推開就更明顯睇到啦...
佢其實有D似BODY SHOP隻HONEY & OAT MASK,但就更杰身一D,有少少香蕉燕麥甜味,因為O岩O岩先買,只係用O左一次咋,敷完都幾SOFT同埋有少少滋潤,但因為FRESH MASK係只可以擺一個月,所以黎緊我都會一星期用2次,如果你想有埋SCRUB效果,就可以敷10MINS之後按下先過水,如果只係想當滋潤MASK就唔使按..

2009年12月14日星期一

祝我生日快樂之一日女工+購物

今日小妹生日,不過因為一早應承O左大家姐要幫佢去長沙灣香工入貨,所以請O左一日大假,但都要同平時返工一樣咁早起身,真係好眼瞓呀!!!
呢間鋪只係做批發O架咋,但佢好好喎!!!又唔使話同一款衫要入幾件以上先OK,只要你買夠數,EVEN唔同款只買一件都得,至於點解我大家姐會去買,就不便透露啦,既然去開,我當然唔執輸自己又睇下有冇O岩啦...
我都唔係買O左好多,只係入手O左5件咋,但今日真係拎到好攰,因為我家姐入O左廿幾件野,你知冬天D衫都幾厚料下,真係做O左女工...
佢都係主打COPY D名牌款衫,但當中有部份剪O左牌既SAMPLES O係入面O架,D衫既款,料同CUTTING都真係幾好O架,價錢以呢個質量黎講真係物超所值....
絨料格仔背心裙,中間毛毛超滑O架...
壓棉泡泡長背心,著上身好好睇..
銀河圖案長袖衫/裙
棉質袋鼠熊貓衫/裙
夾羊毛外套,帽入面全部都係毛黎...
咁多件野都唔使一千蚊,真係好抵!!!呢D衫如果賣出去,一定唔止一個DOUBLE O架啦,不過如果唔係咁O岩家姐去入貨,都唔會有零售同咁平就買到啦....
入完呢水又有排唔買衫住LU...

2009年12月13日星期日

ISQUEEN代言人簽約儀式及新品發佈會

首先要多謝BEAUTYLIFE令我有機會參加今日ISQUEEN伊之倩BB高清美肌隔離霜發佈會,我係第一次去發佈會咋!!!地點係荃灣荃新天地,因為我唔係好識點去,所以之前已經約O左幾位一同參與的BLOGGERS O係MTR等一齊去,我地總共有20位BLOGGERS出席..有D之前已經見過,亦都有機會認識新既朋友..
 
發佈會現場係一樓,我地去到已經開始O左,周圍有好多圍觀既觀眾同代言人胡杏兒小姐既FANS,仲有唔少傳媒影緊相啦..
 
 
佈置係以浪漫既紫色為主,仲有好多銀底閃令令既裝飾,因為今次發佈既產品,包裝都係紫色既...
ISQUEEN代言人胡杏兒小姐..
今日係新產品既發佈會,同時亦有進行代言人續約儀式..
胡杏兒小姐示範BB CREAM既用法及分享心德
因為MODEL已經化好妝同時間有限,其實只係示範O左用黎遮蓋眼袋同黑眼圈,旁為司儀崔健邦先生..
之後胡杏兒小姐現場表演唱最新歌曲..
完成發佈會之後我地有大合照,跟住就每人都有1袋兩枝今次新產品可以返去試用..
BB高清美肌隔離霜 BLEMISH BALM CREAM HIGH DEFINITION SPF18/50G
透白光感色 WHITE LUCENT COLOR / 明亮自然色 BRIGHT NATURAL COLOR
 
美妝成份
 
多孔透氣防曬粒子,純淨柔滑感光粉末,左旋C,甘草提取液,透明質酸,植物復合補濕因子
 
*純淨柔滑感光粉末 -- 備有超卓的遮暇功效,能修飾粗大毛孔,撫平細紋,解決膚色不均勻及暗啞等情況,緊密貼合肌膚,制造光滑無細紋的效果
 
*多孔透氣防曬粒子 -- 備有SPF18防曬抗水抗汗功能,阻隔紫外線及減低黑色素的出現;有效吸附油脂,令妝容持久貼面
 
*多重修護美肌精華 -- 全方位呵護脆弱肌膚,完美呈現肌膚的最佳狀態,真正做到保濕+美白+遮暇+防曬+舒緩+緊緻+抗氧化等七重功效
 
高清技術配方,只要薄薄一層均勻塗抹,就能凝造吹彈可破的白滑臉蛋
 
有兩隻色,吱出黎明顯見到一隻係白D,另一隻好近膚色..
推開好水潤而且有陣陣爽身粉味道,十分討好..
雖然有深淺色,但因為佢質地好水潤同易推開,其實搽勻O左分別唔大,我皮膚比較白,但其實兩隻色都用得,只不過透白O個隻會再BRIGHT一D...
COVERAGE一般唔算好高,但淺印同毛孔都遮到8成,同埋佢真係好薄身,搽完保濕之餘亦都唔LUP,而家呢D天氣用都唔會起乾紋,好O岩鐘意自然貼薄妝容既SIS用,但如果需要較多COVERAGE就一定要另搽CONCEALER啦...
 
如果對呢隻新產品有興趣既SIS,可以去MANNINGS睇下..