鼎泰豐@深圳國貿站

擒日因為有事要同家姐上中山,即日來回到深圳已經成7點幾啦,所以我地決定食埋野先落番香港,之前家姐已經話深圳既鼎泰豐好抵食,所以我今次就話要去試下..

金牌小籠包..

$25人仔有8粒,香港要$48得6粒咋,仲要細粒一D,深圳既大粒D而且比較多,維持一貫水準,好抵食呀..

蒜香黃瓜..

一向我都好鐘意食呢個冷盤,香港既係切圓形一碌碌,只見有少少辣油,深圳既仲O岩我口味,有花生香料O係上面,切條可以吸更多汁,而且更辣更香,仲要$8人仔咋...

三杯雞..

呢個餸好似香港冇既,個雞好滑好入味,又好熱辣辣,就咁食都唔覺咸,但就貴D,好似要$4X人仔..

紅油抄手..

好大隻而且餡好多,味道,比香港既辣一D..

担担麵..

麵條係扁身,而且湯比較多,亦比較辣,不過我覺得唔係香港既香濃,花生味唔夠...

呢餐我地食O左百頭人仔咋,真係好抵食,而且好方便去,只要O係羅湖過關,落下面一層坐地鐵,一個站就到國貿站,A出口就係啦,個商場係連住既...

日燒止每日防曬礦物蜜粉SPF50

其實我已經使用礦物粉有2-3年既時間,最初係O係美國網站訂EVERYDAYS MINERAL,之後就轉用日本既MINERAL HUNDRED,THE BODY SHOP同GEOFLAIR,因為礦物粉有一定既厚度,所以我多數當遮暇用,好少全面搽,但佢成份天然,有時我皮膚敏感都用得,所以我長期KEEP住用...

上星期行過MANNINGS,見到呢隻日本出既礦物碎粉大減價,$39.9咋,之前其實都想試,因為MINERAL又係碎粉(平時既礦物粉唔可以當碎粉用O架,因為會好厚),仲有SPF50,見咁平,即買啦...

日燒止每日防曬礦物蜜粉SPF50

$109.9($39.9)/15G @ MANNINGS

礦物蜜粉擁有 SPF50 防曬指數,而且性質天然溫和,不會為皮膚帶來刺激,此外,產品可有效吸收面上多餘油脂,只需輕輕用粉撲上粉,立時締造無瑕的啞緻質感,令臉紅長時間保持清爽細緻...

15G其實都幾大盒,上面個粉樸D毛都OK,不過個芯有少少硬,唔夠SOFT...

我用碎粉既習慣,係倒O係蓋,先用粉樸印上面,保證足夠份量可以印晒全面..

D粉係帶少少粉紅色,不過推開就唔覺,都幾薄,同一般碎粉差唔多,但佢比較O岩皮膚白既SIS用...

我試過搽CREAM FDT再用佢,講真,係有少少厚,不過都仲OK,而且已經比平時既礦物粉薄身好多,如果用BB CREAM/BASE再搽佢就PERFECT,而且有SPF50呢個真係好吸引,仲要而家咁平,買黎玩下無妨呀....

洗面卸妝同時護膚: H2O+3合1潔面泡沫

皮膚屬混合性偏乾既我,其實最鐘意用潔面泡沫,貪其方便而且感覺清爽,而市面上既潔面泡沫,用完都係比較乾,所以我只能夠夏天用,到秋冬季都要轉用其他潔面產品;不過最近我終於搵到隻係可以一年四季都用既,就係H2O+新出3-IN-1潔面泡沫..

H2O+海洋3合1潔面泡沫 3-IN-1 FOAMING CLEANSER

$190/150ML

深層清潔 清走幼紋 水油平衡

~ H2O+全新的海洋3合1潔面泡沫，為肌膚帶來清新的潔面卸妝感受，特別適合追求快捷方便的卸妝潔面步驟的現代女士。此潔面泡沫性質幼滑溫和，溫柔細緻呵護每吋肌膚，為護理肌膚開展重要的新一步。

適合：任何皮膚性質的人士

取適量塗於濕潤面上輕柔按摩，再以清水過淨，有效清潔及具卸妝效能..

 

吱出黎既泡沫好豐盈,O係面上好易推開,基本上用1-2泵已經足夠...

使用後皮膚變得好乾淨又平滑,小圖中我係洗完面未搽任何SKINCARE,同時做O左略帶微笑既表情,都冇咩乾紋出現,證明佢保濕能力唔錯,轉涼既天氣用都冇問題...

使用日期: 7日(早晚使用)

用後感:

H2O+ 海洋3-IN-1潔面泡沫,標榜可以卸妝,深層清潔,又同時去紋保濕;用O左一個星期,我發覺卸妝方面,用黎卸淡妝OR底妝產品都算乾淨,不過WATERPROOF同眼妝就不適用啦,而且我個人黎講,都唔主張用佢卸妝,但用黎卸除殘餘妝物就係一個唔錯既選擇..

當CLEANSER用就真係GOOD啦,用完塊面真係好乾淨,不過又唔會覺得好乾,起碼而家天時唔會有掹掹緊既感覺,所以潔面產品黎講,尤其係泡沫狀,佢既保濕功效真係幾好,應該再凍D都仲應付到..

http://www.h2oplus.com.hk/

給你一個GEL: 緊緻美白保濕乜都得~~

有冇試過好攰好眼瞓既時候,千萬個不願仲要搽完一樣又一樣??當時真係好想有一種護膚品,只要搽O左佢即刻就可以攤上床!!!其實唔需要多拉A夢先可以幫你,日本牌子DR CI: LABO已經出O左隻GEL係可以做到啦...

AQUA-COLLAGEN-GEL ENRICH-LIFT-EX

$132/20G

$360/50G

把化妝水,乳液,美容液,美白液及底霜的功效集於一身,大大減省了煩複的護膚程序,同時能做到緊緻,抗老,去皺,抗氧,補濕,美白,一次過解決所有肌膚的問題,輕鬆地尋回肌膚年輕的光采..

比較杰身既GEL狀,易推開,初時會覺得有D黏,但只要過1-2分鐘就會變回乾爽,被皮膚完全吸收...

除O左可以集化妝水,精華,面霜於一身之外,仲可以當SLEEPING MASK,所以佢既滋潤鎖水功能十分好,搽完既皮膚,經過一段時間仍然可以保持細緻柔滑...

使用完皮膚水份油份都有顯著提升,油份比較多因為係抗皺LIFTING為主,所以適當既滋潤感係必需既,不過因為係GEL狀,所以仍然感覺清爽..

早O係DR. CI:LABO進駐香港既時候,我已經有買佢既AQUA COLLAGEN GEL,而最近新出既ENRICH LIFT EX更加入抗老成份GOLDEN LIFT,加強原本已經多功能既配方,除O左可以保濕,滋潤,美白之外,仲可以有緊緻抗皺功效

早晚O係清潔之後,只要用附上既小棒,取上約半粒車厘子既份量,已經足夠搽面同頸部肌膚,連續使用十多日之後,皮膚除O左更加平滑細緻之外,乾紋亦都有減淡跡象..

ENRICH LIFT EX亦可以當SLEEPING MASK同妝前BASE使用,加強保濕滋潤既效果,有時皮膚太乾甩皮好難上粉,我仲會將佢同粉底以一比一溝勻,真係更加貼面持久O架!!

另外之前買野,得到枝A.C. WHITE PEEL LOTION 20ML...

只要抹下就可以去角質同死皮,又係O岩晒我呢個懶人,仲有中藥成份,好矜貴喎!!!

水狀質地,只要倒落COTTON PAD再輕抹就可以,你睇下抹完塊棉花幾黑黑黃黃???真係好勁呀!!!!每星期用2-3次就OK,不過我係敏感皮膚,會將使用次數減半...

KONAD印甲第二十八回--幻彩蔓藤甲

睇番上一篇甲文,原來我已經有個幾月冇整過甲出POST啦,雖然我唔知有冇人會期待我D甲文,不過因為最近收到一枝新玩具---MAC甲油,真係好鬼靚O架,好想即刻試下,而且咁O岩WEEKEND得閑,於是就整O左甲啦..

主打MAC甲油,今次整簡單款咋,因為我D甲好短...

整一層會見青銅色+紫,兩層就深色O左,而且紫色會更突出...

整完就係咁啦...我覺得好MATCH枝MAC甲油..

唔同角度會有唔同色O架,好鐘意枝甲油...

大家估唔估到我用KONAD邊塊版同邊個圖印既呢..????

:

:

:

:

:

:

:

:

係呢塊M21呀,只係用一個圖就得啦,我係交叉咁逐個印,好似格仔咁,幾得意O架!!!

希望大家鐘意啦!!!

專業級護膚享受: MURAD

由美國皮膚醫生DR HOWARD MURAD研製而成既護膚品牌MURAD,唔講求花巧既包裝,只著重護膚品對皮膚既醫學價值,正好配合近年大熱既醫學美容,真係好心動想躍躍一試,而月中舉辦既MURAD PRESS CONFERENCE,就令我有機會親身了解同體驗下..

PRESS CON場地佈滿MURAD PROFESSIONAL系列產品,仲有DR MURAD既新著,當然唔少得有美食同飲品啦...

今之重點介紹既係PROFESSIONAL DAILY EYE LIFT..

開始時介紹一下MURAD品牌簡介,仲有DR MURAD新書有關水的"WATER SECRET",當然仲有MODEL示範同介紹PROFESSIONAL系列啦...

之後就有一SET GIFT可以拎番屋企試,分別係SLEEP REFORM SERUM,PROFESSIONAL DAILY EYE LIFT..

MURAD SLEEP REFORM SERUM

$950/30ML

晚間修護產品,經科學驗證,主要成份能促使膠原細胞製造激增78%,同時提升每個細胞的膠原製造潛力達62%,令肌膚更活躍,從而優化美肌睡眠效果,帶來更幼滑,更緊緻,更青春的肌膚..

淡黃半透明GEL狀質地,輕易推開同被皮膚吸收,每晚使用約1-2泵份量已經足夠...

剛剛搽完比較黏,不過只要一分鐘之後,就變得吸收晒好爽身同SMOOTH..

使用十多天後.皮膚變得平滑細緻O左..

M-PRO DAILY EYE LIFT

 

$1,280/15ML

 

經臨床實驗證實其重點針對配方有效即時提昇及緊緻肌膚,令細紋減淡,用家證實於首次使用產品後,眼下四周肌膚皆有顯著的緊緻效果..

CREAM狀質地滋潤得黎快吸收,早晚使用半粒豆份量已足夠..

搽完即時感覺滋潤,所以比較多發泡膠粒,不過等約一分鐘後,就回復清爽感覺..

使用後最明顯係浮腫改善O左好多...

雙眼精靈又緊緻O左,轉涼天氣用都唔覺乾,滋潤感十足..

使用日期: 12天

用後感:

天氣開始轉涼既同時,護膚用品都要轉季,MURAD係醫學品牌,對佢既成份同功效都充滿信心,而今次試用既產品都比較滋潤,秋涼天時用就O岩晒..

市面上針對睡眠修護既產品不多,MURAD SLEEP REFORM SERUM只係睇個名有"SLEEP"字,就知係為晚間睡眠而設,只要搽上佢經過一晚既時間,朝早皮膚真係一日比一日好,細緻幼滑O左唔少...

不過我最鐘意既都係PROFESSIONAL DAILY EYE LIFT,佢既FIRMING效果真係好得,平時我雙眼真係好易浮腫,尤其係朝早剛睡醒既時候,搽O左佢眼周會有少少掹住既感覺,即時提拉緊緻,而且滋潤感好夠,之後上粉遮暇都唔會有乾紋出現..

銷售點:

FACES

ELEMIS DAY SPA

JOYCE BEAUTY

THE BEAUTIFUL SKIN CENTRE

VICTORIAN SPA

懶人變髮~~

一直都好鐘情曲髮LOOK,奈何次次去電既效果都唔多滿意,有時打理得唔好,最後個頭隨時會變O左堆草;所以我想整曲既時候,就會用電捲髮棒,出黎個效果係最靚,不過所花既時間,就唔係個個返工既朝早都可以整..

之前行過SASA見到呢個扭扭捲髮海棉,只要瞓前捲好,第二朝就OK,好似幾方便咁,一於買包試下,$29/一包6條@SASA

捲O左就係咁啦,唔會影響瞓覺O架..

其實我試過捲住瞓,不過曲底既我,可能唔太O岩捲咁耐,整完太曲啦,捲一個鐘就差唔多,都見到幾曲O架啦,仲幾自然添....

整散就係咁O架啦,冇噴野上去,個形都唔錯,懶人好O岩用,有興趣可以去買包玩下...

清貨行動: ACTION 29

最近真係好忙,原本呢篇清貨文至少要11月先可以出,不過都係多得個颱風"鮎魚",原有既活動取消O左,所以今日有時間打,仲有時間整甲添,不過甲文可能要下星期出..

AVALON ORGANICS YLANG YLANG HAND & BODY LOTION

--已經用完第2枝啦,夏天用的確係幾好,清爽唔LUP,而且個味我超鐘意,如果可以KEEP耐D仲好...

貴娜美顏水

--呢個夏天用O左好多枝啦,不過暫時唔再買住,因為秋冬我比較少用..

JURLIQUE LOVE BALM

--好香橘子味道又夠潤,我主要用黎搽咀,但其實全身都用得O架..

THE SALONTEA EYE PADS

--朋友買既手信,成份天然,去眼部浮腫唔錯..

牛爾紅酒MASK

--用完第2罌啦,仲有LAST ONE,保濕同時美白,用完膚質通透D O架..

SOFINA ALBLANC MEDICATED CLEANSING CREAM

--卸得幾乾淨,而且令皮膚保持滋潤又唔LUP,一罌可以用4個月以上..

NAIL TEK FOUNATION II

--之前團購見特價先買,我覺得真係麻麻,用完唔再打算入..

KATE NAIL COLOR REMOVER

--長期愛用品..

KONAD AQUA TONER

--香料超重,質地比較LUP但又唔覺好保濕,果然佢都係出NAIL既野好D..

ISQUEEN BB CREAM

--係我用過最水既BB CREAM,爽身粉香味好正,我比O左枝家姐,佢用完都自己再買,唯一係佢COVERAGE唔算好好...

SOFINA BEAUTE SPF24 CREAM II

--滋潤得黎又唔LUP,用黎當BASE都OK,成個夏天我都係用佢咋...

BIOTHERM BIOSOURCE CLEANSER

--用完好乾淨又清爽既CLEANSER,少少份量已經好易起泡,呢枝我用O左4個月先用完呀,幾抵買..

BIORE MAKE UP REMOVER FOR EYE & LIP

--平時用開MAYBELLINE,不過見佢新出先買黎試下,卸得都好乾淨,不過就略油少少,但容量比較多,較抵用,如果MAYEBLLINE唔特價,可以買佢用住先..

LANCOME MASCARA BASE(震震O個隻,我唔記得個名)

--LANCOME既MASCARA同我真係唔係好夾,次次用都麻麻地,好在呢枝係FREE,不過已經開O左成年,係時間要丟LU..

MAYBELLINE LIQUID CONCEALER

--真係幾好用,又平,不過佢已經唔再出LU,睇我用到底就知唔錯啦,我用黎遮眼圈ONLY..

SECHE VITE DRY FAST TOP COAT

--好用既TOP,搽完好快乾亦都幾令身,同SALLY HANSEN有得比,不過佢HK只有水貨OR要O係美國WEBSITE訂,補貨唔太方便..

好似SILK咁滑既底妝@KANEBO COFFRET D'OR

貴為日本第二最暢銷品牌,KANEBO一直係我心水既日系化妝品,佢所出既產品多數都有外表又有實際,所以我都買過唔少,仲要全部都用到見底O架!!!不過旗下既COFFRET D'OR同DEW SUPERIOR我真係比較少接觸,所以今次襯著WORKSHOP就可以試用下啦..

WORKSHOP O係金鐘舉行,一入房發覺擺滿新出既DEW SUPERIOR護膚品同COFFRET D'OR化妝品,真係睇見都開心...

參加既十幾位BLOGGERS分2張枱坐,枱面上有幾SETS產品供大家一陣試用..

人齊之後WORKSHOP正式開始啦,STAFF同MODEL一邊作示範,我地亦都跟住佢既STEPS,由卸妝,潔面,TONER,保濕,按摩到滋潤,我最欣賞佢既按摩,真係好舒服又滋潤..

做好護膚之後,就係我最期待既化妝環節啦,COFFRET D'OR既化妝品我想試好耐,因為佢O係HK,日本同台灣唔同地方既COMMENTS都非常好,今次新出既"真絲"底妝系列同埋佢既E/S PALETTE我都超想試....

上完底妝同眼妝就係咁啦,"真絲"底妝同E/S PALETTE一如我所想,好靚實用之餘,仲好貼服又自然,但估唔到佢既LIQUID EYELINER同MASCARA都咁正,真係比佢燒著晒,好想敗呀~~~~

WORKSHOP完O左之後,我地每位都有一套2枝既COFFRET D'OR BASE同CREAM FOUNDATION,另外仲有一SET DEW SUPERIOR SAMPLES..

DEW SUPERIOR系列好O岩秋冬使用,保濕同時滋潤,我最鐘意佢枝BRIGHTENER,O係WORKSHOP冇試用過O架...

倒落COTTON PAD,輕抹全面同頸,真係好多污漕野出晒黎,配合全系列使用,膚色真係通透又滋潤O左,為皮膚打好底,之後上妝都貼服D啦...

COFFRET D'OR秋冬新出既"真絲"底妝系列,主打保濕滋潤,搽完好似絲咁貼服幼滑...

今次用既係ESSENCE FIX BASE,同COVER FIX唔同既係,COVER FIX係COVERAGE比較好,但ESSENCE FIX就更保濕,最近轉季皮膚比較乾,所以用ESSENCE FIX合適一D...

ESSENCE FIX係淡肉色帶少少粉紅既LOTION狀,好易推開,唔會改變膚色,但肌膚就會變得有光澤感同滋潤..

除O左BASE,同系列仲有SILK PACT 2-WAY CAKE同SILK CREAM FOUNDATION,名副其實叫SILK,搽完真係好似絲咁SMOOTH...

試用既SILK CREAM FOUNDATION係用OC-B色,O岩晒我偏白既皮膚,FOUNDATION包裝好靚,蓋面一推開就見到枝棒仔,可以用黎拎合適既份量,方便又衛生...

CREAM FOUNDATION推開好薄貼,完全唔覺有一層粉底O係面,搽完夠保濕滋潤,唔會有乾紋出現,好滑..

搽上面效果真係好好,貼薄自然,但又有光澤感,COVERAGE足夠唔會乾,冬天再乾D凍D都應該應付得到,如果想重點遮暇,可以重覆印上FOUNDATION,都唔會覺得厚..

顏色好自然,搽上面唔會同頸有兩隻色,搽完BASE同FOUNDATION,只上碎粉已經OK,而且搽完6個鐘之後,個妝仲好貼服冇咩溶,只係鼻位有少少油,用TISSUE輕輕印走,KEEP足一日都冇問題O架...

呢個星期,我已經燒著O左2個朋友去買BASE同CREAM FOUNDATION啦,其中1位仲買埋E/S PALETTE同SILK PACT,搞到我都超想買番盒,你地睇完之後,又有冇心思思想入番D??